EBTESAMABDULLA

  بسم الله الرحمن الرحيم بدت سنة جديدة ومتفائلين خير فيها باذن الله سعيدة جدا بهذي السنة  فيها امور حلوة بتصير ونقول يارب تصير مثل مانبي … والحين بنبدا تفاصيلي السعيدة هذا الشهر  شهر مليان لحظات حلوة من اول يوم ولله الحمد  ومن سعادتي بالشهر سميتة الشهر الاخضر  كل شي واغلب الاشياء اللي استخدمتها هالشهر كان لونها اخضر … ****** . طبعا عادة كل سنة اقتناء بلانر  او اجندة  عشان مهمات السنة ،،، للسنة الثالثة علي التوالي اخترت متجر امادا   من ٢٠١٩ وانا معهم وكل مرة تفيدني اكثر ولايخفى عليكم انها تعتبر مدرب شخصي  يعني ٢*١ وكنت محتارة بين هذا الحجم الكبير باللون الاخضر وبين  الصغير باللون الازرق وبعد تفكير اسبوعين الي شهر قررت اختار الاجندة بالحجم  الكبير واللون الاخضر وكان ثيم هالسنة عن طبيعة المملكة العربية السعودية  واختاروا ١٢ مكان وحطوا باركود لكل شهر نشوف معلومات وصور عنه والحمدلله مره  متحمسه معه لسنة ملهمة ومخصرة باذن الله  ومليئة بالاشياء اللي اتمنى من الله انها تتحقق … ****** اللون الاخضر بدء بقوة وكملتها بالكوب الاخضر من متجر سلة قهوة طلبته من شهر  سبتمبر اتوقع مع كوب اصفر ولكن هالشهر

  بسم الله الرحمن الرحيم  هذا الشهر جميل ولطيف بامتياز خاصة مع تغير الاجواء  وانه صار حلو وصراحة حتى نفسياتنا تغيرت معه الحمدلله … ونقول بسم الله :::  كتاب مرحبا ياصغيرة … اول شي حبيت ابدا فيه هذا الكتاب مرة حلو حلو حلو حبيت القصة  باختصار عشان مااحرق الاحداث عن فتاة بعمر ١٦ سنة تقريبا عايشة  بالهند وكل فترة يصير لها حدث مرة يكون قوي ويضيق الصدر ومرة اقل قوة  واللي خلاني اعشقها انها تحب الشاي مثلي وتفضله كل صباح ،،، حبيت انها شخص  مهما مرة بازمة تعدي منها وتطلع افضل من قبل ،،، صراحة انصح بقراءة  الرواية لانها ممتعة وحزينة بنفس الوقت …  اعطيها ٥\٥  اكثر صفحة حبيتها من الكتاب 💛 ****** كتاب تحيا الحيا … قصة قصيرة ومختصرة عن حياة الفنانة فريدا كاهلو ،،، للي حاب يعرف  عن حياتها وايش عانت وكيف تزوجت وكيف صارت فنانة وقصة خيانة زوجها  يعني حياتها حزينة نوعا ما ،،، اخر كم صفحة فيه اعادة قصيرة لبداية الكتاب  يعني فيه تكرار ممل على انه قصير …  اعطيه ٢\٥ ******  شاي العصرية … من بدت الاجواء تزين وتصير  حلوة صار الشاي صديق الاجواء هذي  صار من روتيني اليومي وخاصة اذا كان شاي ورق مو خيط  هذا يعطي جو

  بسم الله الرحمن الرحيم  الاشهر الماضية ماكان فيها شي يستاهل الكتابة عنه كانت اشهر رتيبة للغاية  وكل يوم يكرر نفسه لكن ما ان اتى اكتوبر حتى بدت التفاصيل السعيدة بالظهور  واللي زادها بهجة معرض الكتاب الدولي ،،، فاليوم راح اقولكم عن تفاصيل  هالشهر السعيد  ولله الحمد … ****** معرض الرياض الدولي للكتاب 📖📚   كان اجمل معرض بهالسنة بالنسبة لي بما اني احب الكتب واجوائها واتمنى بيوم  يكون عندي مكتبتي الخاصة باذن الله ،،، كان المعرض كبير وعدد متاجر الكتب  مهول جدا ويخليك في حيرة ومستحيل تخلصين المعرض كامل بيوم واحد  للاسف يحتاج ايام عشان تخلصينه كامل انا رحت ثالث ايام المعرض واخرها  كانت زيارة رهيبة جدا ،،، اول يوم رحت بدون لستة واخذت عدد لاباس به من  الكتب واليوم الاخير رحت للستة وللاسف نصها مخلصة ،،، زرت كذا دار نشر  منها تشكيل و تكوين ومنشورات الرمال ،، ونادي الكتاب ودار ماتذكر اسمها كانت تبيع الكتب بخمسة ريال ،،،  الزيارة كانت رائعة جدا ولله الحمد ووفقت فيها واخذت كتب بمواضيع حلوة  وبحاول اخلص قرائتها قبل المعرض القادم … ****** كتاب صاحب الظل الطويل  اول كتاب بلستتة معرض الكتاب الدولي واو

  بسم الله الرحمن الرحيم  انتهى شهر يوليو والحمدلله على جميع نعمة  في هذا الشهر حسيت بقيم النعم اللي نتقلب فيها ليل ونهار  واشكر ربي عليها فعلا الواحد يحس بالنعمه بعد فقدها  تعالوا نشوف وش صار ؟؟؟  ****** اول شي استفتحت فيه شهر يوليو هو خبر اصابتي بفايروس كورونا صراحة مقدر اوصف وقع الخبر جلست اصيح بدون مقدمات يوم خلصت وطلعت كل اللي فيني قمت وعقمت البيت كله ولبست كمام وقفازات عشان بناتي ضروري انتبه انو ما اعديهم  جلست عشر ايام مصابه وبعدها الحمدلله راحت ،،، اعراضها وكيف حسيت انو فيني  كورونا انو ماصرت اشم او اذوق صارالاكل بدون طعم فقط اكل عشان اقوي جسمي ويقدر يصمد امام كورونا الشم لو يحترق شي عندي ماحسيت فيه صدق صدق الان حسيت بقيمة نعمة الشم والتذوق سبحان الله كيف انو كل حاسه عندنا مهمه ولها مكانة ومهمة خاصة فيها واذا توقفت تتوقف معها الحياة ،،، رافقني صداع يجي ويروح ويزيد وقت النوم شي مو طبيعي والالام بالعظام لدرجة كل خمس دقايق اغير جلستي. عشان يخف الالم ،،، الله لايوري هالمرض لاحد يارب صدق العافية اكبر نعمة بالحياة واحمد ربي الف مره انو ماخذه الجرعة الاولى خففت علي كثير اللهم لك الحمد

  بسم الله الرحمن الرحيم    شهر جديد وتفاصيل جديدة كانت من التفاصيل السعيدة حبيت اشارككم اياها  نبدا ::: اولا  :: الاجندة من يومي ... صراحة كانت من اجمل الاجندة اللي جربتها ورفعتني كثير برمضان من كتابه  الاهداف وتتبع العادات وسلسله بالاستخدام ومسليه بعد ،،، واستخدمتها لشهر يونيو بعد عشان اجرب اشياء جديدة وابني عادات جديدة ... حلوة تستخدمونها للسنه القادمة باذن الله ... ****** ثانيا :: اكواب كاث كيدسن ... قبل رمضان عزلت البيت ورتبته واكتشفت اكواب عندي جديده من كاث كدسن  كنت احب هالماركة من زمان واعشقها الي الان لكن لاتستهويني كثير  يمكن عشان قل حبي للورود المطبوعه لكن تعطي جمال واناقه رهيب ... وصارت صديقتي من رمضان والى الان ... ****** ثالثا :: موعد مع بنتي بالسينما ... دائما كنت اروح السينما لحالي واتفرج بهدوء ومنها ابعد عن اطفالي  واغير جو لنفسي ،،، بس هذي المره قررت اطلع مع بنتي الكبيره عمرها ٧ سنوات  وخليتها هي اللي تختار الفيلم وصلنا السينما واخذنا سلام بيبسي مع بوب كورن  دخلنا صالة السينما وهي منهاره بس تطالع مكان جديد عليها مبهورة وهي تشوف  جلسنا باماكنا وبدء الفيلم تحمست معه بش