بسم الله الرحمن الرحيم
هذا الشهر جميل ولطيف بامتياز خاصة مع تغير الاجواء
وانه صار حلو وصراحة حتى نفسياتنا تغيرت معه الحمدلله …
ونقول بسم الله :::
كتاب مرحبا ياصغيرة …
اول شي حبيت ابدا فيه هذا الكتاب مرة حلو حلو حلو حبيت القصة
باختصار عشان مااحرق الاحداث عن فتاة بعمر ١٦ سنة تقريبا عايشة
بالهند وكل فترة يصير لها حدث مرة يكون قوي ويضيق الصدر ومرة اقل قوة
واللي خلاني اعشقها انها تحب الشاي مثلي وتفضله كل صباح ،،، حبيت انها شخص
مهما مرة بازمة تعدي منها وتطلع افضل من قبل ،،، صراحة انصح بقراءة
الرواية لانها ممتعة وحزينة بنفس الوقت …
اعطيها ٥\٥
اكثر صفحة حبيتها من الكتاب 💛
******
كتاب تحيا الحيا …
قصة قصيرة ومختصرة عن حياة الفنانة فريدا كاهلو ،،، للي حاب يعرف
عن حياتها وايش عانت وكيف تزوجت وكيف صارت فنانة وقصة خيانة زوجها
يعني حياتها حزينة نوعا ما ،،، اخر كم صفحة فيه اعادة قصيرة لبداية الكتاب
يعني فيه تكرار ممل على انه قصير …
اعطيه ٢\٥
******
شاي العصرية …
من بدت الاجواء تزين وتصير حلوة صار الشاي صديق الاجواء هذي
صار من روتيني اليومي وخاصة اذا كان شاي ورق مو خيط
هذا يعطي جو خاص وروقان ماله نهاية …
******
بصراحة كل شي بالشهر حلو حتى النوم والاكل 🥺
الحمدلله علي نعمة الاجواء اللطيفة اللي ترد الروح
******
شهر لطيف وخفيف على النفس والروح الله يديم اللحظات الحلوة 💛
لاتنسون تابعوني علي الانستقرام اتفاعل هناك يوميا
حسابي :: ebtesamabdulla
اشوفكم الشهر الجاي باذن الله
دمتم بسعادة …
تعليقات
إرسال تعليق
اكتب لي تعليقا عن رائك في البوست الجديد ؟؟