بسم الله الرحمن الرحيم
مساء السعادة للجميع كيفكم مع الاجواد الحلوة اللي ترد الروح ؟
تدوينة اليوم عن الاشياء الجميلة اللي اسعدتني في نوفمبر وديسمبر حبيت اشاركها معاكم ف يلا نبدا ...
******
اول شي الاجواء تغيرها سبب كافي لاسعادها جميعا والامطار بعد تخليك فراشة طايرة بالسماء واللي زاد جمال الاجواء مظلتي الشفافة اخذتها من محل زرابي بالرياض مره حلوة وهطول قطرات المطر عليها شعور سعيد
بصراحة يفوز هالشهر باجوائه اللطيفة ...
******
******
ثالث شي الكتب بصراحة ماقريت هالشهر كثير لكن جلست على كتاب واحد وهو )) لحظات لاغير (( يتحدث عن
دكتورة نفسية يجيها مريض ويغير حياتها فوق تحت ،،، الكتاب ممتع وخاصه لي لانو فيه جزء من تخصصي فارغمت بالروايه مره اعتبرها روايه حزينه بسبب الاحداث اللي حصلت للدكتورة وفقدت خلالها امور مهمة في حياتها ،،، الروايه رهيبه وخلصتها بسرعة ،،، بعدها توقف عندي مود القراءة واصبح جامد الى يومكم هذا ونقول يارب يرجع مع بداية السنه الجديدة ...
******
رابع شي اعجبني وهو صحون الاكل من موجي اشتريتهم باليوم الوطني لو قريتوا التدوينة حقت سبتمبر مره حلوين وانيقين بالاكل حرفيا كل وجبة وسناك استخدمهم ويناسبون جوي هالفتره والان عندهم عروض بعد فاستغلوا الفرصه ...
******
زيت الجسم من جونسون
انا مع البرد تجف بشرتي بشكل فضيع كان ماعمري حطيت كريم على جسمي فلقيت هذا الزيت وصرت استخدمه كل يوم والحمدلله بشرتي كانها بشرة بيبي ومرطبة وتجنن انصحكم فيه رهيب جدا ...
******
من ناحية الاكل اكثر شي حبيته المراصيع او المصايب بطريقة هند الفوازن صرت اسويه بالاسبوع ثلاث مرات الطعم والله اللي فيه مو طبيعية رهيبة،،، صرت احدد ايام اسويه فيها واتحمس اقوم الصباح عشان اسويها ...
******
وبس والله هذي تفاصيلي السعيده هالشهرين اتمنى حبيتوها
اشوفكم بتدوينة اخرى
دمتم بسعادة 💛
******
انستقرام :: @ebtesamabdulla
تعليقات
إرسال تعليق
اكتب لي تعليقا عن رائك في البوست الجديد ؟؟