بسم الله الرحمن الرحيم
سنة سعيدة يارب والله يجعلها سنه خير ورضا وامن وامان يارب العالمين انقضى شهر منها الان واكيد في هالشهر فيه لحظات حلوة مرت علينا وتفاصيل سعيدة حبيناها فاليوم بشارككم تفاصيلي لهالشهر ...
******
مسك الشيلة والشماغ من تاج الحرمين ...
هذا مسك اخذته من مكة من محل اسمه تاج الحرمين شفته لاول مره عند اسماء المالكي او ذات ريد ليب ،،، حبيت اجربه لاني اثق بكل شي تقوله ماترددت ولالحظة اني اشتريه وجربته صراحة بطل الريحه حلوة مسك مع زهور ومو ثقيل خفيف وثابت والاهم الريحة ماتصدع بالراس وحلو صباحي لحاله او مسائي مع عطر ثاني ...
حسابهم بالانستقرام ::
https://instagram.com/taj_alharmain?igshid=1qofjon1cenbs
******
كوب الشهر المميز من متجر مجيد للقهوة
هالكوب اللي ماخذ عقلي من ٢٠٢٠ وكنت ابغى يكون من مجموعه اكوابي وانتظرت ست شهور ولما بدت السنه قلت خلاص ضروري اقتنيه والحمدلله طلبته وصار كوبي المفضل هالشهر كل يوم اشرب فيه قهوة او شاي ...
حساب المتجر ::
https://instagram.com/coffeemjeed?igshid=t53l2wbwd7ru
******
كوكيز محل ملتقى الخبازين
جربت كوكيز كثير وماتوفقت بالطعم يايكون مر او قاسي لين طحت عليه ،،،الطعم لذيذ ومقارب لكوكيز انوش والطراوة حلوة انا شريت كميه وكمل اسبوع عندي ولاتغيرت طراوته جدا رهيب الصراحة والسعر بطل كانت الحبة ب٤،٥ ريال جدا جميل جربوه صراحة بيعجبكم اذا انتم اشخاص تحبون الكوكيز ...
******
فيلم سول ...
طبعا مثل ماتعرفون شهر ديسمبر ويناير الكل كان يتكلم عن فيلم ديزني الجديد سول وكيف انه حلو وبطل وفيه رسالة فتحمست هالشهر وشفته صراحة الفيلم كلمه بطل عليه قليلة يتكلم عن الشغف وكيف تسعين لتحقيقه وانو ماتتهاونين فيه ملهم بشكل رهيب ،،، والاهم انو ماتنسين نفسك وتعيشين حياتك كل لحظه بلحظتها
ماينفع للاطفال لان فهمه راح يكون صعب عليهم ،،، شوفوه وعطوني رايكم فيه ...
******
هذي اهم تفاصيلي هالشهر اتمنى انكم حبيتوها وعجبتكم
اشوفكم على خير ...
دمتم بسعادة💛 ...
انستقرام :: @ebtesamabdulla
أحياناً تفاصيل صغيره وبسيطة تصنع يومناً ..💕
ردحذف