بسم الله الرحمن الرحيم
دائما وعند اي جمعه عائلية او مناسبه سعيدة او لقاء مع الاصحاب نبدا فورا باخراج هواتفنا لالتقاط صورة جميله للاحتفاظ بها وعند المرور
بها بعد مدة نتذكر هذه الحظات السعيده التي
مرت بنا ...
لكن قد ينحصر حفظ الذكريات على الصور كما لدى الكثير منا لكن هناك عدة طرق للاحتفاظ بها
سوف اشارككم اربع طرق للاحتفاظ بالذكريات :::
************
الطريقة الاولى 📸 ::
وهي الطريقة المعتادين عليها التقاط صورة بالجوال او الطرق الجديدة تطبعين الصورة وتكتبين تحتها عباره او تاريخ اليوم اللي صورتي فيه هذي الحركة حلوة وكل ماتشوفين الصورة تتذكرين السعادة اللي غمرتك وقتها ...
*************
الطريقة الثانيه ::
وهي كتابه كل احداث اليوم من طلعتي من البيت الين رجعتي او الافضل اقول من بداية الجلسة او المناسبة الى نهايتها بحيث تكونين شاملة لجميع التفاصيل والاحداث اللي صارت ولما تقرينها بعدها بوقت تحسين نفسك عايشه اللحظه بكل اجوائها ،،،
ممكن تختصرين تفاصيل اليوم وتكتبين المهم بالنسبة لك فقط بحيث توثقين التفاصيل المهمه جدا اذا كنتي شخص مايحب الكتابة ،،،
هذي افضل طريقة عندي لاني احب اكتب كل شي ولو كان صغير والشعور اللي يجي وقت قرائتها بعدين مراااا حلو ...
***************
الطريقة الثالثة ::
وهي كتابة الاحداث كتعبير عن الموقف اللي مريتي فيه بدل مايكون سرد للاحداث ،،، مثال هذا تعبيري لما اخذت عمره بعد ست سنين انقاطع عنها فطلعت تعبيري عن العمره فيها كان شعور عظيم لا استطيع وصفه ببضع كلمات بس الحمدلله طلع معي شي جميل ،،، فهذي الطريقه اذا حسيتي ماتبغين توثيقك يكون سرد اوتفاصيل زايده استخدمي هالطريقه وبتبدعين فيها جداااا ...
*************
الطريقة الرابعة ::
وهي كتابه ايام الشهر بعدين كل يوم توصفينه اما بكلمتين او ثلاث كلمات ماتتعدينها ابدا بحيث تعرفين في هاليوم ايش صار وهل سعيد او حزين بالنسبة لك ،،، هذا جدا بسيط وحلو كوصف للاحداث وللناس اللي ماتحب تكتب كثير او تبي شي مختصر وشامل ،،، هذسي الطريقة معتمدتها بنهايه كل شهر اسوي الترقيم وكل نهاية يوم اكتب كلمتين الى ثلاث كلمات تعبر عن يومي ...
*************
وهذي كانت طريقتي في حفظ ذكرياتي
لازم تجربون طريقة وحدة على الاقل من هذي الطرق
وتعلموني شعوركم وقتها وكيف الانطباع عنها
وهل فرقت معكم اولا وحسيتوا انها من جد تحفظ لكم ذكرياتكم والا مجرد كتابة وتفريغ فقط ...
اتمنى لكم يوم سعيد
ودمتم بسعادة :)
للتواصل معي ::
INSTA: ebtesamabdulla
TWITTER: ebtesamabdulla
SNAP: ebtesamabdulla9
youtube:ebtesamabdulla
تعليقات
إرسال تعليق
اكتب لي تعليقا عن رائك في البوست الجديد ؟؟