بسم الله الرحمن الرحيم
صباح او مساء السعادة عليكم جميعا ،، عدنا والعود احمد بعد انقطااااااع طويل ولله الحمد
احس بهالفترة فقدت القدرة على الكتابة والتصوير ،، فالتدوينة هذي تغاضوا عن اي خلل موجود
*************
تدوينة اليوم عن بعض التفاصيل اللي اسعدتني في شهر سبتمبر والاهم ان التفاصيل هذي متنوعة
مابين كتب واكل وميك اب وعناية واخري فراح تكون زي السلسه باذن الله ،،،،
يلا نبدا >>>>>>>
غسول الوجه من ذا فيس شوب herb day 365 cleansing foam
هذا الغسول اقدر اقول انه بطل والاهم انه ناسب بشرتي لان بشرتي حساسة ومختلطة في نفس الوقت
فصعب القى شي يناسبها ،،،، هذا الغسول بالصبار فينفع لنوع بشرتي بقوة لان لما استخدمه عليها ينظف وجهي تماما
من جميع الدهون الموجودة وتصير جافة ،،، مع استخدامه المتواصل ماسبب لي اي مشكله مثل ظهور
الحبوب او حبوب تحت الجلد يعني تستخدمينه وانتي متطمنه ،، قوامه غير سائل يجي زي الكريم الثقيل الخفيف
وريحته صبار حلوة جدا ،،،،، وسعره جدا مناسب ...
**************
روج من ايتود هاوس درجته talk be101
الروج يجي مات بس مو اللي يشقق الشفايف لا بالعكس شكله حلو على الشفاه
لونه نيود علي وردي ،، ثباته من ست ساعات الى ثمان ساعات متواصلة
ومع الاكل والشرب الخفيف مايروح بس اذا كان عشاد او غداء يبدا يخف يعني مايحتاج تعيدين عليه
الا مرة وحدة بس ،،، طبعا هذا النوع منه درجات والوان ثانيه من القلوس والمات فلازم تنتبهون اذا جيتوا تاخذون مثله...
هذا سواتش للروج :)
**************
كتاب قلبي يرف لامل الشقير
الكتاب عبارة عن قصائد شعرية كلمات القصيده واضحة ومفهومه مافيها شي صعب او معقد ،،،
لاول مرااا بحياتي اقرا قصيدة كامله واشعر بها وبما تحمله من معاني
لاول مرااا بحياتي اقرا قصيدة كامله واشعر بها وبما تحمله من معاني
في كل قصيدة تاخذك الى مكان اخر وعالم مذهل ،،، انا من الاشخاص اللذين اعجبوا بالكتاب وعانوا حتى
حصلوا عليه صراحة الكتاب استحق حق كل هذا العناء ،،،،
اهداء الكاتب ::
الى تعسف المسافات التي لايكترث بها الشعر
والى الق اللقاءات التي يرف لها القلب
والى الحياة الممر
اهدي ::
قلبي يرف ...
*****************
كفتة البطاطس
من الاكلات اللي احبها ،نادرا ما اسويها المشكلة انها سهلة
وماتاخذ وقت بس تبي شوي جهد ،،،
مقاديرها ::
بطاطس مسلوقة بدون قشر
بقدونس
بصل مقطع صغير جدا
تخلطينهم مع بعض ، تكورينهم او الشكل اللي تحبين
بعدين تغمسينهم بالبيض بعدين بالبقسماط * انا حطيت صامولي مطحون
عطاها طعم حلو لان ماكان عندي بقسماط ،،،
وتقلينهم بزيت انا استخدم زيت زيتون وحمرتهم عليه بعدين قدمتهم مع كاتشب
المجال مفتوح لكم بالابداع ...
انا مسويه تحدي مع نفسي اني اسوي اكلات جديدة وبنفس الوقت احبها
فهذي كانت اول وحدة وعقبال الباقي يارب ...
*****************
وبس والله هذا كان كل شي لتدوينة اليوم اتمنى حبيتوها او استفدتوا منها ولو بالقليل
اشوفكم بتدوينة ثانيه ومع السلامة ....
***********
للتواصل :::
INSTA: ebtesamabdulla
TWITTER: ebtesamabdulla
SNAP: ebtesamabdulla9
youtube:ebtesamabdulla
دمتم بسعادة :)
لطيفه التدوينه 💞
ردحذف