التخطي إلى المحتوى الرئيسي

طريقتي في ازالة مكياجي <<


بسم الله الرحمن الرحيم 

كيفكم جميلاتي ؟؟ 




لي فترة اشوف  عدد من البنات تكتفي بمسح الميك اب  ولا تحاول تهتم ببشرتها بعد عدد المنتجات اللي حطته بوجهها ، هذا اللي خلاني اكتب لكم هالبوست ،، اللي اتمنى اني اكون افيدكم فيه .. 



يلا نبدا >>> 





هذي المنتجات اللي استخدمها عشان اشيل الميك اب >>




هذا قطن من سانيتا ..
انا لي قصص مع القطن دايما اشتري نوع احتاجه اشيل فيه الميك اب بس مايضبط يايتقطع او ينفك عن بعض يعني الحبه تصير ثنيتن ،، هذا لا حجمه وسط شكله مربع تكفيك وحدة اذا جيتي تشيلين كل وجهك ،، هذي العلبة فيها اربعين حبه تكفيك وقت كويس 
سعره  ٨ ريال متوفر بكل مكان .. 




هذا الحب الجديد مزيل المكياج من غارنيه
فكرته نفس بايوديرما بس بسعر ارخص ،، الجميل فيه انه بدون كحول وبدون عطور ،،مناسب لجميع انواع البشره حتى الحساسة ،،
بصراااحه خفيف على البشرة ويشيل من قلب يعني اذا انتي حاطه ميك اب ثقيل ممكن يبقى شئ بسيط لو عادي لا
مرااا حبيته
استخدامي له اذا كنت احط مكياج خفيف زي الدوام او طلعات خفيفه ..

سعره ٢٩ ريال متوفر بكل مكان ..





هذا مزيل مكياج من بودي شوب  بالبابونج
فكرته مويا مع زيت يفضل للمكياج الثقيل لانه يشيلها من الاعماااق ،، استخدمه فقط للمناسبات والعزايم الكبيرة.
كيف طريقته ::ترجين العلبه عشان يتجانسون مع بعض بعدين تحطين منه براحة يدك وتفركينه بعدين تمسحين وجهك فيه
بس قبل لاتمسحين فيه اهم شي انك تغسلين يدك زين بالصابون عشان مايتعب وجهك ،
طبعا هذا مميز عندي ليه  لان الزيت اللي فيه يرطب البشرة وممكن بعدها ماتحتاجين كريم ..

سعره :: بحدود الستين ، متوفر فقط في بودي شوب



هذا شكله من قريب فيه طبقه عازله بين الماء والزيت 





مزيل مكياج العيون من نيفيا
بخلاصة نشاء الذرة ،، يزيل حتى الماسكارا والايلاينر المقاوم للماء ،، يناسب العيون الحساسه ،،
هذا استخدمه لعيوني سواء كنت حاطه ميك اب ثقيل او خفيف >>
فكرته نفس بودي شوب مويا مع زيت
استخدامي له بقطنه واحطها على عيني واتركها ثواني معدودة عشان تحلل اللي على عيوني بعدين امسحها ..

سعره ::بالعشرينات ،،  متوفر بكل مكان





هذا شكله من قريب <<






بعد الشغل هذا كله يجي دور الغسول
استخدم بيور اكتف ٣ ان ١ من غارنيه
هو غسول وماسك ومقشر ،، يطهر الوجه ويشيل لمعان البشرة وينقي المسامات ،، ينفع للبشرة الدهنيه وانا مع الروكتان صار فيها جفاف شوي بس استخدمته عشان المسامات ..
ينفع تحطينه ماسك مدة ثلاث دقايق مرتين بالاسبوع ،، مقشر تدلكين وجهك فيه وتركزين علئ مناطق الدهون الذقن والجبهه والانف ،، غسول  بشكل يومي على وجهه مبلل ، يعطيك نضارة وتحسين بشرتك نظيفه وتتنفس ..

سعره :: بالثلاثينات ،، متوفر بكل مكان




اسفنجة كونجاك 


 فيه نوعين للاسفنجة نوع للحبوب والمسامات لونها اسود 
وهذا النوع للبشرات الحساسه مثلي 
هذي استخدمها مع الغسول حقي ،، تجي زي الحجر ولازم ابللها بالمويا عشان ماتجرح وجهي 

كيف طريقتي فيها :: احط شويه عليها من الغسول وامسحها على وجهي واشيله فيها بعد جدااا جميله وبطله تنظف من قلب وتعطي نضارة لوجهي .. 

سعرها :: خمسين ريال 





اخر خطوة

التونر للبشرة العاديه من نيفيا
يحتوي على فيتامين اي ، يرطيب البشرة وينقيتها ويخليها منتعشه ..
استخدمه على قطنه وامررها على بشرتي عشان اتاكد ان الميك اب بعد كل هالخطوات شلته كله

سعره :: ٢٦ ريال متوفر بكل مكان ..



وهذي خطواتي لازاله الميك اب حقي ان شاء الله استفدتوا منه

واخييرا لاتنسون التعليقات والاراء

وشكراااااا 

تعليقات

المشاركات الشائعة من هذه المدونة

Sit at home and have a delicious meal 💛🍝 مكرونة في قدر واحد

مساااء السعادة ... كيفكم واخباركم ؟؟؟ والاجازة كيفها ؟؟؟ مع الاجاز لخبطة النوم والاكل وكل شي بالحياة مسوي لي قلق ابغى ارجع لروتيني الجميل اللي اسوي كل شي سعيد فيه بس تعبت يوم يضبط وعشرة لا .... هالمرة تحديت نفسي اسوي مكرونة لمدة سبع ايام كل يوم بطريقه غير فاذا حابين تشوفون الابداع حقي كل يوم بنزل تدوينه بالطريقه عاد انا بختار اشياء سهله عشان ماتعطلكم او تتكيسلون تسوونها ...  ****** مكرونه اليوم اسمها :: مكرونة في قدر واحد  لذيذه وسهله وطعم جميل لازم تجربونها  ****** يلا نبدا سوا المكونات :::  زيت زيتون  صدر دجاج مقطع قطع صغيرة  بصله مقطعه قطع صغيرة  ثوم ( ٤ فصوص ) مفرومة  ملعقه كبيرة معجون طماط  حبة طماط متوسطة الحجم مقطعه قطع صغيرة  مكعب مرقة دجاج  مكرونه اي شكل تبغين  بهارات مشكله  ملح وفلفل الطريقه :::  في قدر يسخن الزيت ويضاف اليه البصل والدجاج حتى يبدا البصل بالذوبان ثم يضاف الثوم ومعجون الطماط ويقلب لمدة...