بسم الله الرحمن الرحيم
شهر مارس ملئ بالاحداث اللطيفة والمهمة والاشياء الجديدة اللي خضتها هذا الشهر ونشارككم اكثرها اهمية ...
******
من بداية الشهر قررت اني اسوي جرد للبيت
وسويت جدول وقسمت الغرف وكل غرفة قسمت اللي جواها
عشان يكون اسهل علي بالجرد ،،، وايضا صفيت الملابس الشتوية
ورفعتها وطلعت الصيفية وجردتها تقريبا مده اسبوع ونص الي اسبوعين جرد
طلعت بثلاث اكياس كبيرة تتضمن ملابس صغيرة او مفارش ما استخدمها او اشياء ما
استعملتها خلال السنة الماضية ،،،
اعترف اني صرت خفيفة وعرفت ايش عندي وايش احتاج ولما اروح للسوق او اي
مكان افكر ميه مرة قبل اشتري الشي هل انا احتاجه فعلا او فقط
هوس شراء وتكديسها فقط ،،، والحمدلله نفع معي
صرت اخف ولله الحمد والحلو انو سويته قبل رمضان ...
انصحكم فيه بتحسون بشعور رائع ...
******
طبعا مافيه احد ماعنده خبر عن نزول لعبة كراش للايفون والايباد اوووف بس كنت
العبها بالسوني بس ودي فيها لما مالي خلق اشغل السوني وجت بعد الجرد
فاحسنها بمثابة مكافاة لي كل شوي العب فيها وصارت ادمان لي من اقوم
الصباح الي اخر اليوم حب عظيم للعبة الطفولة 💛
******
فطيرة البراتا من سويتز ...
جدا لذيذة واكلها بيوم مافيني حيل افكر او ابدع بالفطور سهلة وسريعة والاهم
من هذا لذيذة لكن يعيبها انو فيها شوي زيت يعني مو صحية ابد ابد
لكن اهم شي المتعة علي صاجة حاره اسخنها وادهنها بجين مربعات مع كوب شاي
قمة السعادة ...
******
اخر شي جميل ومرعب بنفس الوقت هو لقاح كورونا والحمدلله اللي تمم علي انو
اخذ اللقاح طبعا جلست اسبوع ادور مواعيد من الزحمة ماشاء الله والاقبال عليه
مالقيت موعد لفايزر فتنازلت لاكسفورد والحمد لله لقيت موعد بالحرس
صدق الحمدلله على نعمة السعودية تنظيم اكثر من رائع ونفسهم حلوة والتعامل
قمة في الروعة شكرا لله ثم لقادتنا الله يحفظهم وجميع العاملين بالقطاع الطبي
******
وبس والله هذي تفاصيلي الرهيبة لهذا الشهر اتمنى انكم تجربون منها شي
اشوفكم بتدوينة قادمة
دمتم بسعادة 💛
instagram: ebtesamabdulla
تفاصيل سعيدة فعلاً
ردحذفألهمتيني بخصوص جرد الغرف
شكرا لك ابتسام
الله يسعدك 💛
ردحذفابد ماسويت شي اهم شي اشارككم اشياء فادتني واتمنى تفيدكم 💛
العفو