بسم الله الرحمن الرحيم
انتهى شهر فبراير وقد حمل معه الكثير من التفاصيل السعيدة ولله الحمد كان شهر جميل ولطيف الاجواء الحلوة والممطرة اللي اسعدت الجميع .
******
اول شي رهيب ويفك ازمة سينابون من ايكيا في بعض الصباحات اشتهي شي حالي فاطلعه من الثلاجة واسخنه ياخذ عشر دقايق بالفرن الكهربائي وتطلع لكم سينالون رهيبة ،،، واحط عليها شوي حليب مكثف مع قهوة الله الله ...
******
مازلنا في الاكل وهالشهر بديت اجرب وصفات جديدة ومن ضمنها الكينوا مره كنت متحمسه لها بس المشكله اللي كنت اواجهها القى كمية قليلة بسعر مبالغ فيه الى ان رحت لولو ماركت قسم المنتجات العضويه لقيت كمية حلوة بسعر زين فاخذته على طول وسويت فيه سلطة شمندر + تبولة ، الطعم كان جدا لذيذ ومشبع ورهيب بديل حلو واصح من البرغل ،،، انصح فيها بشدة ...
******
نجي لنجم هالشهر اللي هو الفازلين بصراحة كنت مستهينه فيه بشكل مو طبيعي لكن لما شفت عجوز لبنانية تمدحه وكيف انو حسن اظافرها بصراحة تحمست وصرت قبل انام احط منه على يديني ما احكي لكم عن النتيجة صراحة بطلة بطلة ،،، اظافري من بعد ماكانت تتكسر على اتفه شي وضعيفة صارت الحمدلله قوية وتطول بسرعة وحاده بعد ،،، يعني باختصار المنتج هذا خورافي انصح كل وحدة اظافرها مثلي تجربه وتشوف بنفسها النتيجة صراحة يستحق التجربة ...
******
نجي الان لعطر كنت متحمسه له من كذا شهر للامانه عطر وايت مسك من قزاز من شفت اسماء ذات ريد ليب تمدحه وتشتريه بالكميات جاني فضول اجربه الصراحة وكم احتريه يتوفر بالموقع واول ماتوفر ماشاء الله خلص وبقى فقط اللي يجي مع الكريم فطلبته ووصل بسرعة رهيبه خلال يومين فقط ،،، ريحته مسك مع زهور خفيف وبارد لكن ثباته ضعيف و ريحته حلوة احط منه على مفرشي وبجامتي واحط منه بالصباح حبيته صراحة مع ضعف الثبات لكن الريحة تاخذني لجو اخر ...
******
نجي لاجمل شي صار هالشهر وهو اني سويت اول اعلان لي جدا فخورة بهذا الانجاز لمتجر سعودي والاهم البنات اللي يشتغلون فيه سعوديات يهتمون بالتخطيط وكل شي يخصه الرهيب فيهم انو مقسمين السنة لاربع اقسام كل قسم يضم ثلاث اشهر بحيث يكون التركيز اعلى على اهداف هالثلاث اشهر وتشتغلين عليه بشكل افضل ،،
هذا حسابهم شيكوا عليه
الله يوفقهم يارب ...
******
وبكذا خلص شهري ومافيه من تفاصيل اسعدتني
لاتنسون تتابعوني على الانستقرام :: ebtesamabdulla@
اشوفكم بتدوينة قادمة
دمتم بسعادة يارب 🙏 💛
تعليقات
إرسال تعليق
اكتب لي تعليقا عن رائك في البوست الجديد ؟؟