بسم الله الرحمن الرحيم
هذي اول تدوينه لي فتحدي التدوين تبع نافذة المدونات
وهذي صورة للمواضيع ،،
***************
١\ النوم ليلاً مبكراً و الاستيقاظ مبكراً ...
لما ماللتبكير من أهميه فحرصت الفتره هذي وبالاخص مع بدايه الدوامات اني أبدا بهذي العاده عشان أبدا يومي بنشاط وهمة كبيرة ،، وتعرفون الناس اللي تصحى بدري كيف يكون مزاجها رايق ولاتخلي أحد يزعجها وتكون إنسانه متفائلة ،،
فجد جد انصحكم بهذي العاده التمسوها في يومكم ومزاجكم كيف يكون بعدها ....
************
٢\ الادخار ...
بديت بهذا المبدا من السنة الي فاتت بس كان لها طريقه معينه راح أذكرها بتدوينة أخرى قريبة باذن الله
وهالسنة بالذات فكرت بادخار مبلغ من راتبي لو كان ميه ريال بس مجرد البدء كافي بحد ذاته للتقدم وإن شاء الله تنتهي السنة بمبلغ لطيف وكبير ....
*************
٣\ التدوين ...
من العادات اللي بديت فيها هالسنة وهي بداية كل شهر أسوي زي الجدول مرقم وبجانبه اكتب ذكرى او حدث ولو كان بسيط في هذا اليوم بحيث لو رجعت لهذي الصفحه أعرف أنا وش صار لي بهذا اليوم من السنة ،، وحلوة لما تقرينها مستقبلاً تحسين إن أيامك فيها شئ مبهج وسعيد ....
************
٤\ شرب الماء ...
الماء ثم الماء اللي مستحيل اكمل يوم بدون ما أشرب أكثر شي ثلاث كاسات ومره زعلانه لاني ببساطه أنسى شرب الماء
فقررت أبد بهالعادة هالشهر اني أسوي كل ساعة تنبيه عشان أقل شي اشربه ثمان اكواب واحط بالبلانر جدول للماء عشان لما افتح البلانر كل مره اتذكرها وطبعا لايخفى على احد اهميه الماء وفوائده ...
*****************
٥\ الاسترخاء ...
عادة جميلة جدا لو أطبقها مرة بالاسبوع تعطيك طاقه جميله جداً وحلوة بنفس الوقت ،،،
قررت إني أبدا اسويها كل أحد ليه ؟؟
لانه اول يوم دوام ويكون طويل وثقيل وضغط وصداع فمع الاسترخاء نهايه اليوم تحسين كل هذي الامور تطلع منك بهدوء وبكئا تستعيدين طاقتك ونشاطتك ...
هنا سويت فيديو عن الاسترخاء
*******************
وبكذا اكون أنهيت العادات اللي ابي ابدا فيها واشكل نفسي فيها
وهذي كانت اول تدوينه بالتحدي ان شاء الله تستفيدون منها ولو بالشئ القليل
للتواصل معي ::
INSTA: ebtesamabdulla
TWITTER: ebtesamabdulla
SNAP: ebtesamabdulla9
youtube:ebtesamabdulla
دمتم بسعادة :)
عادات جميلة و بسيطة الاستيقاظ مبكرا من العادات اللي نبي نبدا فيها
ردحذفحبيت التدوينه ابتسام
ردحذف