بسم الله الرحمن الرحيم
مفضلاتي هالشهر مافيها ميك اب كلها اشياء عنايه وكماليات فا ان شاء الله تحبونها ::
علبة المويا هذي صارت صاحبتي المقربة اخذتها من سنتر بوينت بسعه ٧٥٠ مل سعرها ١٩ ريال
مراا جميله اعبيها مرتين باليوم تكفيني واذا حسيت اني احتاج اكثر اعبها مره ثانيه
واهم شي مالها ريحه مثل بعض العلب البلاستيكيه
من بديت اكثر شرب الماء بشكل اكثر بشرتي صارت مشعه والحبوب ماصارت تطلع فحسيت باهميتها
وبديت ادخلها بيومي بشكل كبير ....
كوب الرخام من نايس ب ١١ ريال
انا من عشاق الرخام او الماربل في كل شي ومره اتصفح الانستا الا بالاكسبلور لقيت صورته وادخل عليه الا الكولكشن الجديد لنايس بدون اي تفكير رحت للمحل واخذته مع باديه وصحن مسطح صرت اي شي اشربه فيه له طعم ثاني والاكل بالصحن بعد حسيت لما استخدمه بالاناقه والجمال ،،،
كفر الايفون هذا جداا بطل للامانه حمى جوالي من طيحات كثيره جدا والجميل بعد انه تجي معه
شاشه حمايه تضاعف الحمايه للجوال .. جوالي اكثر جوال يطيح بالعالم فهذا كان الحامي له ..
اسم الكفر ٣٦٠ سعره مايتعدى ٣٠ ريال من محلات الجوالات ..
حامل للجوال والكاميرا من دايسو سعره ٩ ريال
هذا الاستاند كنت ادوره وماتوقعت لما شفته بدايسوا
كنت احتاجه اكثر شي للكاميرا افك القطعه اللي فوق واركب الكاميرا عليه فادتني كثير بتصوير
مقاطع لليوتيوب صرااحه جباره مقارنه بسعرها ..
فرشه لتنظيف الوجه من دايسو
اخذتها كتجربة لاني ما اثق بمنتجات دايسو بالذات الميك اب والعناية
بس هذي مدري ليه حبيتها وحسيت لازم اجربها
ماتوقعت انها بتنظف كويس جداا بطله تنظف من قلب وتشيل كل الاوساخ على الوجه
حتى الشعر حق الفرشه جدا ناعم ومايطيح او يتقطع
اعطيها ٨\١٠
استخدمها مع غسول الوجه تي تري من بودي شوب
***********
كانت هذي مفضلاتي لشهر فبراير
ايش اكثر شي حبيتوه وحابين تجربونه ؟؟
للتواصل معي ::
INSTA: ebtesamabdulla
TWITTER: ebtesamabdulla
SNAP: ebtesamabdulla9
youtube:ebtesamabdulla
كوب الرخام يهببببل مره
ردحذفتتهنين فيه
شكرا من القلب ...
حذف