بسم الله الرحمن الرحيم
ونقول بدايه سنه سعيده وجميله يارب للجميع واننا ننجز ونحقق فيها اشياء جميله وملهمه
هذا الشهر كان عصيب بالنسبه لي ولغيري ويمكن ماكان بدايه جيده لهم بسبب الاختبارات النهائيه
بس نقول ان شاء الله الجميع انهاها بسعاااده ونجاح
نجي الان للاشياء اللي حبيتها في هالشهر واللي انجزتها ::
***********
روج من ميبلين
درجته 750 choco pop
لونه جاي بني على ذهبي وفيه لمعه حلوه انا من زمان ادور على هالدرجه بس كنت ابي مات ولقيت هاذا
بس للاسف طلع فيه لمعه حلوة احطه بالصباح اكثر شي للدوام يناسب جوه
ثابت لوقت طويل بس يخف شوي من جوى الشفايف مع الاكل
والاهم مايجفف الشفاه فيه نسبه ترطيب ..
مسكارا push up drama
المسكارا تنفع للي رموشهم قصيره تعطيتها طول حلو وكل طبقه تزيدينها تسوي كثافه شوي للرموش
هاذي المسكارا احبها لكل شي للصباح او المساء تخلي منظر الرموش طبيعيه
والاهم انها ماتكتل الرموش
وكل طبقه تعطي الرموش شكل مختلف
اعطيها ١٠\١٠
كريم يدين من باث اند بادي
اسمه قبله الظلام
ريحته حلووه مراا وصرت كل شوي احط منه من كثر ما انا عاشقته
طبعا في نسبه عطر مركزه فما ينفع للناس الحساسه او اللي يكرهون الكريمات المعطره
وزياده اذا حطيتيه ماينفع تطلعين فيه للشمس عشان ماتسمر يدك
مايلزق اليدين وعلى طول تمتصه البشره والاهم فيه فيتامين اي وزبده الشيا
عطر وايت مسك من بودي شوب
الحجم الصغير
الصراحه شريته عشان بطل مسلسل يعجبني فحبيت اجربه وماندمت صراحه
ريحته مسك مع بودر ونظافه الريحه جنااان
اول ماتحطينه ممكن ماتبين الريحه بس خليه شوي يبرد تطلع الريحه الحلوه
وينفع للشنط الصغيره ماياخذ مساحه
بس يخلص ناويه على الحجم الكبير بعد لازم تجربونه وتعطوني رايكم
من اهدافي لهالسنه اني اقراء اكثر من قبل وبديت بهذا الكتاب
قوه عقلك الباطن
يتكلم كيف ان العقل الباطن يستقبل معلومات كويسه وغير كويسه
وكيف ان العقل الباطن يتصرف في المواقف وغيرها
معاني ومفرادات الكتاب سهله وواضحه مو صعبه
انا حطيت من اهدافي السنويه اني اتعلم الرسم بما اني جدا احبه
وهذي كانت رسمتي لهاالشهر
الورده رسمتها باستنسل مع المربعات اللي تحت
المفروض ارسمها بيدي بس حبيت بالبدايه اسوي شي سهل وابدا بالعميق شوي شوي
***************
وهاذي كانت مفضلاتي والاشياء اللي سويتها في شهر يناير
اتمنى انها عجبتكم وحبيتوها
دمتم بسعاااده
للتواصل ::
INSTA: ebtesamabdulla
TWITTER: ebtesamabdulla
SNAP: ebtesamabdulla9
youtube:ebtesamabdulla
ي الله حبيت كثير مفضلاتك واكثر شي
ردحذفعطر وايت مسك عشششق ذكرني باايام زواجي
وكثير عجبني محاولتك للرسم وحماسك
يعطيك العافيه
الله يعافيك .. حلو اجل اشعلت الذكريات عندك :)
حذفكريمات باث تجنن احب استخدمها دايم
ردحذفيعطيك العافيه ❤
وتناسب اي شنطه عندك :)
حذفتدوينة بسيطة وخفيفة وجميلة , يسعدك ابتسام :*
ردحذفويااااك حبيبتي. :)
حذف