تفاصيل سعيده في نوفمبر ...

بسم الله الرحمن الرحيم 

كيفكم مع الاجواء تخلي الواحد يروق غصب عنه حتى لو كان معصب
*******
      

اليوم باذن الله تدوينتي عن تفاصيل حبيتها في شهر نوفمبر 

يمكن يطغى عليها الاكل جربت اشياء جديده ومطاعم حلوة 

يلا نبدا ::: 

**************

ميك اب :: 

اكثر شي حبيته في هالشهر هو هذا الروج من كلر بوب 

درجته توتسي 

اخذته من متجر البلوقر اميره ب ٤٥ ريال 

حبيته لانو درجته جايه لحمي على موف جداا جميله لما تحطينه وماتحتاجين تتكلفين بميك اب العين هو يعطي شكل جميل

حلو يجلس اربع ساعات بدون اكل او شرب والاهم مايجفف الشفايف 

طبعا مع الاكل يبدا يخف فيبقي علي الحدود فلازم تحطين مره ثانيه .

هذي المسكارا عشق لاينتهي قد كتبت عنها قبل اسمها 

اخذها من صيدليه النهدي بعروض حلوة 

ميزتها تكثف الرموش مع كل مره وتقوس او تعكف الرموش تعطيك مظهر رائع وجميل 

احب استخدمها اكثر شي بالدوام او طلعات خفيفه 

الحبيب الابدي اللي يفهم حواجبي
هذا الباليت الصغير من ايلف
درجتي فيه ميديم
احتاجه فقط في شيئين هي تعبذه فراغات حواجبي بما انها كثيره ورسمها بشكل بسيط من الاسفل
عشان يطلع حاجبي كانه مرسوم ومتعوب عليه طبعا استخدم اللون البني الغامي اما الجهه اللي علي رمادي ما استخدمها
اسوي حواجبي او استخدم معاه فرشه من ريل تكنيك اللي تجي مع مجموعه العيون
احبها مشطوفه وتعطي الرسمه اللي تبغينها بس اللي حواجبها خفيفه ماراح تنفع لان الفرشه عريضه .

***************

اكسسوارات ::

علبه المويا هذي فكت لي ازمه يوم انكسرت علبتي الاولى
كبيره وتكفيني طول يومي بالدوام بحكم اني احاول اشرب مويا من وقت للثاني
الحمدلله من جبتها صرت ماشتري مويا من بري
فاحس اني ارتحت من هالناحيه ووفرت علي وقت بعد
عيبها انو ماتحفظ بروده المويا فقط
يعني تعبينها بارده ساعه ونص بالكثير وتصير حاره ..

الكفر حق السماعات
فك لي ازمه حقيقيه ليه ؟
لان سماعاتي لما احطها بالشنطه واجي اطلعها القاها محيوسه مع بعض واجلس
بلا مبالغه عشر دقايق افكها الي ان نصحتني وحدة من صاحباتي فيها
فعلا اشكرها واشكر من اخترعها 

*****************

اللذه :: 

انا عندي مشكله مع الاكل ما ادري اذا فيه احد زيي 

اذا حبيت شي اطول عليه الى ان امل منه 

ما ادري اذا هي حاله نفسيه قويه ومستعصيه 

بالمختصر هاذي انا للاسف 

طول شهر نوفمبر وانا يوميا اشرب هذي البيره باربيكان بالفراوله 

قبل مستحيل اشربها واحسها شي ماله فايده بس لما جربتها تغير الشعور وصرت متعلقه فيها مره 

الاندومي 

انا كنت من كارهي ومحاربي الاندومي ليه لان ببساطه احس ما استفيد من اكله 

لكن وحدة نصحتني اكله بدون البهارات حقته واسويه زي السباقيتي 

وافكر بيني وبين نفسي هل هو شي يستحق اني اجازف او لا 

وبعد محاولات جربته اقدر اقول حبيته مع الخضار 

وتعلقت اكثر فيه لما صرت اشوف مسلسلات كوريه 

لما يسوون النودلز اشتهي بقوه 

اخر شي بتدوينه هذا الشهر هو هذا المطعم
اللي هو روماوي

المطعم ايطالي
الاسعار حقته حلوة وتناسب الجميع
وعنده اصناف كثيره من مكرونه الي بيتزا وترضي جميع الاذواق
طلبي منه كان مكرونه بصوص مكس بين الفريدو والطماط
مع خضره ،، وطبعا الحب جبن بالفرن

فعلا الطعم لذيذ جداا كل لقمه تاخذك لمكان اخر
انا والاكل بيننا علاقه حب لاتنتهي ...








وبكذا اكون خلصت تدوينه تفاصيل سعيده في نوفمبر ان شاء الله حبيتوها
احس اني سولفت واجد بهالتدوينه

اذا فيه اي سوال اكتبوه لي بالتعليقات ولاتنسون تتابعوني علي حساباتي ::


انستا وتويتر ويوتيوب   :: ebtesamabdulla
سناب :: ebtesamabdulla9
الايميل :: ebtesamabdulla9@gmail.com