تفاصيل سعيده في اكتوبر .....

بسم الله الرحمن الرحيم 

هذه التدوينه عباره عن اشياء حبيتها في شهر اكتوبر وان شاء الله تكون سلسله لتفاصيل سعيده 

ماهو محتوى التدوينة ؟؟؟ 

منتجات ميك اب 

عناية بالبشره 

عطور 

اااكل 

اكسسوارات 

تطبيقات 

**************

شهر اكتوبر حبيته وخاصه في النهايه مع الاجواء الجميله اللي بردت 

كان شهر انجازات كثيره والهام بعد واتعرفت على ناس معطائه جميله 

***************

نبدا باسم الله <<<<

اول شي وحبيبي طبعا الميك اب <<

اكثر شي حبيته في هالشهر هذا البلاشر من برجوا درجته برونزر
احبه اكثر شي في الصباح يعطيك شكل طبيعي وخفيف والاهم ثابت على وجههي طول الدوام

>> انا بشرتي فاتحه <<

ثاني شي هذي الارواج الجديدة من nyx طبعا هي مو متوفره عندنا طلبتها من متجر في الانستا
المهم
انها مات يعني تحتاج ترطيب قبل لاتحطينها لانها تنشف الشفاه واللي اعجبني فيها انها ثابته لمده خمس ساعات
ومع الاكل والشرب تروح شي بسيط
الدرجات اللي اخذتها كلها فاتحه لاني كنت محتاجه ارواج للصباح او الدوام يعني
الدرجات بالارقام ) ٦-٩ (

البيوتي بلندر الصينيه

اكيد سنعتوا عنها من اكثر من بلوقر تنافس البيوتي بلندر الاصليه
مقارنه سعرها بالثانيه
هذي اصغر شوي بالحجم من الاصليه بس حبيت هذي اكثر
اللوك اللي تعطيني اياه بعد ما استخدمها طبيعي مره فتحسين مع استخدامها
انك ماحطتي شي 

*********

العنايه بالبشره <<

كريم اليدين من باث اند بودي
ريحته حلوة وخفيفه
الحلو فيه انه مو ثقيل والبشره تمتصه بسرعه

عاد معروفين باث اند بودي بكريماتهم اذا ماقد جربتيهم جربيهم وادعي لي

كريم الجسم او اليدين من مكياجي
جداااا جميل حبيته
ترطيبه ثقيل يعني نقطه منه تكفي احبه بعد ما اغسل المواعين يعطي ترطيب حلو او بعد الوضوء
كميته حلوة بس ناسيه سعره للاسف
معلومه :: تراه عطري فمايصلح تتعرضين للشمس بعد ماتحطينه عشان ماتسمرين

اخر شي بالعنايه
غسول بودي شوب تي تري
هو مخصص للبشره الدهنيه او المعرضه للحبوب او اللي فيها حبوب
يشيل كل الزيوت اللي تتطلعها البشره او بمعنى اصح ينشفها ويسوي زي الطبقه
لمنع ظهور الدهون لوقت مو قصير
علبته اقتصاديه ، الكميه اللي تستخدمينها قليله فبتجلس معك وقت
استخدامي له بالصباح والليل

******************

عطور <<

عطر زهور الياسمين من بودي شوب
ريحته ثابته وخفيفه ومناسبه للصباح
وجحمه صغير يمديك تاخذينه بالشنطه للدوام

مسك من عبدالصمد القرشي 

مايحتاج اكثر حكي عنه لانه جدااااا جميل وحلو 

ريحته قويه وثابته احب احطه في مناطق النبض 

واحطه بشعري عشان فعلا احس بريحه المسك 

ريحته تحسينها نظافه فعلا 

احطها اكثر شي بعد الشاور عشان تعطيني احساس رائع 

************

اللذة <<

هذي الفقره خاصه بالماكولات والمشروبات اللي حبيتها في الشهر

فالشهر هذا طحت ببسكوت او كليجا بيليفا بالهيل 

احبها كسناك مشبعه لدجة كبيره يعني حبه تكفيك لساعتين شبع 

واكلها اكثر شي مع شاي 

فيه نكهه ثانيه للي مايحب الهيل انا من عشاقه فعشان كذا طعمه مناسب لي 

اما اذا كنتي تحبنه بشكل خفيف اول اقل ما انصحك فيه 

واكثر شي اخذه معي للدوام بالصباح 

*************

اكسسوارات <<

حقيبه صغيره من تله
هذي الشركة من اول مافتحت طحت بغرامها عندهم منتجات حلوة
وهذي اهمها مخليتها شنطه طوارئ
فيها اشياء مهمه وتسهل علي الانتقال من شتطه لشنط
لها معي سنه تقريبا وكارفتها كرف بس للامانه ماتغير شكلها او بهت القماش
طالعه كانها جديده حبيتها جداااا

علبه المويا هذي كنت من عشاقها الى ان انكسرت قبل يومين للاسف
كانت تحفظ لي البروده لساعتين تقريبا وتكفيني لساعات الدوام الطويله
عاد الحين بدور لي وحدة جديده زيها
اخذتها من محل تونتي بالعثيم مول الربوة بجانب بيس اكس

****************






وبس ياحلوين بكذا اكون انتهيت تفاصيلي لشهر اكتوبر اتمنى انكم حبيتوها واستفدتوا منها

اشوفكم بتدوينه ثانيه بإذن الله







حساباتي للتواصل ::
تويتر ، انستا ، يوتيوب

ebtesamabdulla