My fav winter >>>

بسم الله الرحمن الرحيم 

تدوينه اليوم جمعت فيها كل المنتجات اللي حبيتها واستخدمتها في فصل الشتاء 

من ميك اب وعنايه وغيره <<

وهذي صوره لكل المنتجات <<<

مفضلات العنايه ::: 

مقشر منشط من ديب كلين

ميزت المقشر انه يومي ،، حبيباته خفيفه على البشره ولما تستخدمينه تحسين بشرته جدا نظيفه ونضرة .. يشيل الترسبات والاوساخ التي تتكون على البشره خلال اليوم ،، استخدامي له بعد ما اشيل الميك اب احطه على وجهي واحركه بشكل دائري بعدين اغسله من الماء ،، لما تستخدمينه بتحسين يحرك شي بسيط بعدين تروح الحراره ،، من استخدامي له بالشتاء خلصت نص العلبه والحين وانا اكتب لكم التدوينه باقي اقل من الربع .. 

سبراي من بودي شوب 

بخاخ للجسم بعد الشاور جدااا بطل 

لما تحطينه يعطيك انتعاش ورقان ريحته ريحه نظااافه العلبه صغيره بس تطول عندك 

السعر مايحضرني لاني شريته بوقت التخفيض 

كريم لليدين من بودي شوب 

اليمين بالفراوله مع اني اكرهه ريحتها الا اني حبيت ترطيبها 

اليسار بزبده الشيا ريحتها حلوة وترطيبها بطل 

الاثنين مو من الكريمات اللي تلزق لا على طول تنشف وتعطيك ملمس ناعم 

وحجمها صغير يناسب الشنطه

سيتافيل كريم للوجه 

انا مثل ماقلت قبل ان بشرتي جافه فاحتاج لها ترطيب من قلب مرره 

فهذا كان الحل مو ثقيل بالعكس تمتصه البشره على طول ومايلزق ويعطي ملمس ناعم بصراحه احسها بشرت طفل من النعومه

كميه صغيره مرة تكفي بالحاجه وزياده استخدمه مرتين باليوم ،، اهم شي انه طبي وبدون عطر او اي كحول ويناسب ايضا البشره الحساسه

مزيل المكياج من غارنيه 

هذا شبيه جدا ببايودرما 

يزيل الميك اب بمسحه وحدة حتى اللي ضد المويا يحتوي على الميسلار 

كتبت عنه هنا

مزيل المكياج من ذا بودي شوب 

هذا المزيل بالبابونج يجي طبقتين زيت ومويا لازم ترجينه عشان تختلط المكونات وتعطيك نتجيه كويسه ،، استخدمه عشان ازيل مكياج العين لانها ضد الموسا .. كتبت عنه هنا

مفضلات الميك اب ::: 

بيبي كريم من غارنيه 

اكثر شي حبيته بفصل الشتاء ليه لان بشرتي تصير جدا جدا جافه فاحتاج لها ترطيب مع الاساس فهذا فرصه حلوة 

يعطيني تغطيه وترطيب وتوحيد للون وجهي بما ان وجهي حساس 

تكلمت عنه بتدوينه سابقه هنا

هذا خافي للعيوب من كراجا

حبيته ليه ؟؟ لان وجهي فيه اثار بسيطه بعد الحبوب فاحب اخفيها وكان هذا المنقذ احط من اللون الغامق على الاثر او العيوب اللي موجوة ويخفيها واطبطب عليه شي بسيط بعدين اكمل خطواتي للميك اب 

ميزته خفيف مايتكتل وسهل الدمج .. 

قلم الحواجب من h&m 

انا حواجبي ولله الحمد ماتحتاج رسم فقط اعبي فراغات وارتبها شي بسيط فهذا القلم ساعدني 

اول شي استخدم الفرشه وبعدين اعبي الفراغات،، الدرجة قريبه من لون حواجبي 

ثباته بالنسبه ثلاث ساعات طبعا انا ماطولت فيه هذا اقصى وقت يبين من اول مرة يعني ماتحتاجين تعيدين عليه . 

الحب مسكارا the valsies volum من ميبلين 

تعطيك تقوس للرموش مع تكثيف وتطويل للرموش ،، كانك حاطه اي لاشز،، ضد المويا وماتهر عليك او تطيح ،،  

استخدمها للصباح اكثر شي لاني احب اللوك اللي تحسين تعبانه عليه وانتي ماسويتي شيء 

وهذا شكل الفرشه من جوى 

هذا العشق حقي باودر fit me من ميبلين

 بدرجه ١٢٥ مايعطيني لون قد مانه يثبت الفاونديشن ولايتكتل مع الجفاف اللي ببشرتي وخفيف على الوجه يعني ماكانك حاطه شي ،، ثباته اربع الى خمس ساعات 

اماكن التوفر :: سنتربوينت ، وايتس، بوتس 

السعر ؛؛ ٥٠ ريال او حولها ناسيه 😅😅 

هذي اكثر ارواج استخدمتها في فصل الشتاااء 

وجدا حبيتها 

من اليمين فيلفيت من برجوا درجته 7 - nude-ist

اول ماتحطينه فيه لمعه شوي بعدين يتحول لمات شكله النهائي بطل ودرجته جميله وتناسب اي فصل بالسنه ،، بس قبل ماتحطينه رطبي شفافك لانه يجفف الشفايف .

الثاني من افون درجته mauve model

لونه على موف فيه قلتر حبيته ومناسب جدا للشتاء والخريف بعد مو ثابت مع الاكل والشرب يبدا يخف فلازم بين فتره وفتره تعيدين عليه ،، كريمي مرااا ويلزق شي خفيف ..

الثالث من h&m
a15617

لونه عنابي على عودي الدرجة جدا بطله وحلوة  كريمي على الشفاه ومايشققها ..

اخر واحد من برجوا فيفلت 

درجته 10 - don,t pink of it
افتح من اللي قبل حبيته لانه صباحي اكثر وينفع اكثر للدوام  يحتاج اكثر من طبقه عشان يطلع لك لون حلو ..

وهذي سواتش للارواج نفس ترتيبها بالصوره اللي قبل 

تبدين من اليمين الى اليسار 

باليت اي شادو ناتشرال من سليك .. 

هذا كرفته بس مو باين عليه ،، اكثر لونين استخدمهم البني للحواجب جدا يناسبني وثباته حلو يجلس خمس ساعات املي فيه الفراغات ،، الاسود احب استخدمه بدل الايلاينر واحطه على خط الرموش من مسحة لونه واضح وسهل بالرسم ،، اللون اللي فوق الاسود احب احطه كاضاءه تحت الحاجب وعند مدمع العين .. 
ما قدرت احط سواتش لللباليت لان الوانها جدا خفيفه وعشان تنبان تحتاج برايمر قبل ..

سعره ٥٠ ريال 

اماكن التوفر :: وايتس 

مفضلاتي بالفاشن ::: 

الفاشن اقتصرته بالاساواره هذي 

اكثر شي لبسته هذي الاسواره اخذتها من ارض المعارض بالرياض ب٥٠ ريال اكسسوار مطلي بالذهب واسمك مكتوب عليها سواء تبغينه بالعربي او بالانجليزي وموجود بعد بالقريه العالميه بدبي 

الان مفضلاتي بالدوام :::

اول شي تنت من ذا فيس شوب

اول شي ماينشف الشفايف ويعطيها لون طبيعي وثباته حلو يجلس ٤ ساعات بدون اكل وشوب طبعا 

اما مع الاكل يروح فلازم تعيدين عليه  ،، لما تحطينه تحسين انك حاطه ماء على شفايفك ومرااا خفيف جداا ،، وفيه لمعه حلوه ،، فيه عيب واحد ان له نكهه وانا ما احب اي شي له نكهه بالميك اب ..

وهذا سواتش للتنت ...

كريم جرجنز 

هذي عينه جتني من بوكس قلام بوكس 

حجمها صغير فحبيتها للشنطه فصرت استخدمه كثير وكفاني على صغر حجمه 

قوامه سايل مراا وخفيف وتمتصه البشره بسرعه ويعطيك ترطيب حلو والاهم مايخلي يدك تلزق ..

عطر كوكتيل من الماجد للعود 

ريحته عود وانا من عشاقها مرااا 

نادرا عطوري تكون ريحتها ورد او شي اخر 

ثباتها جدااا بطل ،، جلس على ملابسي ست الى سبع ساعات 

الى درجه عند اهلي صرت معروفه فيه 

سعره ٦٠ ريال بالنسبه لحجمه جدا حلو ويجلس معك وقت طويل ...

عشوائيات :: 

من الاشياء اللي حبيتها ايضا بلانر كيت سبيد ليه ؟؟ 

لانها نظمت لي وقتي واشغالي 

كتبت تدوينه عنها هنا

من الاشياء المفضله بعد هذا الكوب 

جاني هديه من بنت اخو زوجي 

صرت ما استغني عنه 

يكفي ان اسمي عليه 

وللمعلوميه انا من عشاق الاكواب 

واخر شي من مفضلاتي الشتويه الشموع 

هذي الشمعه بطله 

اسمها :: baltic black pearl 

ريحتها حلوة وغريبه هي معطره طبعا ومو بنكهه فواكه او الروائح الي تعودنا عليها 

ريحتها مره تطلع لي زي العود ومره نظافه 

بصراحه ماعرفت اوصف ريحتها من كثر ما احبها 

ودي تكون متوفره مرة ثانيه 

،،،،،،،،،،،

كانت هذي مفضلاتي للشتاء اتمنى انكم حبيتوها وما اكون طولت عليكم 

ولاتنسون التعليقات 

ودمتم بود <<<