بسم الله الرحمن الرحيم ..
كيفكم ان شاء الله طيبين ..
حبيت اكلم عن مكياجي اللي استخدمه للدوام
للدوام ما احب احط ميك اب ثقيل او اكثر منتجات بزياده
الصباح ينفع له شي هادئ وبسيط
فيلا نبدا ،،،،
هذي المنتجات اللي استخدمها <<
اول شي احب ابدا فيه الترطيب عشان يعطي وجهي منظر صحي
انا بشرتي من النوع المختطله العاديه
احب احط زيت لوريال على كامل وجهي
كتبت عنه هنا
بعدين استخدم مرطب لشفايفي من eos هذا اتوقع بالتوت او الفراوله
احب الترطيب اللي يعطيني اياه يحافظ على الشفايف ويساعد انها ماتجف لوقت طويل واذا
حطيتي الروج يطلع حلو
طبعا الميك اب تحطينه بعد خمس الى عشر دقايق من الترطيب عشان ينشف ويمدي وجهك استفاد منه
اذا تاكدت ان وجهي نشف استخدم هذا القلم من كراجا
عشان اخفي الحبوب واثارها ينفع معي
بعدين اكتشف الكونسيلر بس احسه يؤدي نفس المهمه
طبعا القلم له وجهين هذا الوجه الغامق والثاني فاتح
اعتمد اكثر شي على الغامق الفاتح ماقد استخدمته
بعد خطوة القلم ابدا اوزع الفاونديشن طبعا انا بروح للدوام فما احب احط شي ثقيل فاخترت البيبي كريم من غارنيه للصباح خفيف على البشره وتغطيته خفيفه الى متوطه وثباته اربع ساعات ودرجتي فيه فاتح
واوزعه بفرشه ريل تكنيك buffing brush
احبها ولا استخدم غيرها توزعه لي مضبوط ولا تخليه مخطط
بعدين ادمجه واتاكد من الدمج بهذي البلندر من فور ايفر ٢١
بعدين اهم خطوة الكونسيلر بسبب الهالات اللي تحت العين مستحيل اخليها تبان ما احبها
طبعا تطلع لي اذا مانمت كويس او كنت مرهقه جدااا
هذا يخفيها جدا بس يبيله دمج مرااا كويس عشان مايخطط
ثباته خمس ساعات ،درجتي فيه فاتح .
بعد مااخلص الخطوات اللي قبل اثبت كل شي بالباودر
على كامل الوجهه عشان يقعد معي لوقت اطول
الباودر اللي احبه حاليا من ميبلين فيت مي درجتي ١٢٥
اوزعه بفرشه من افون كبيره وماتاخذ كثير من المنتج .
مكياج العين يقتصر فقط على الرموش
طبعا استخدم مسكرتين وحده من افون والثانيه من ميبلين
مسكرات ميبلين احبها مرااا تعطيني النتيجه اللي ابغاها
مسكرا افون اسمها super shock max
مسكرا ميبلين اسمها the rocket volum express
حقت ميبلين تعطيك كثافه طبيعيه تنفع للوك هادئ فاستخدمها للصباح عشان ماتكون رموشي اوفر
وتبع افون ترتب رموشي وتفرقهم عن بعض وتعطيهم طول الطبيعي على زياده شوي
يعني فالنهايه اذا دمجتيهم تعطيك لوك حلو ومناسب للصباح مو اللي يكون اوفر او ثقيل
طبعا ما احط ايشادو او ايلاينر
والحواجب الحمدلله ماتحتاج رسم مرتبه من الله <<<
للامانه البلاشر احطه بمزاج يعني اذا قمت ومروقه حطت اذا لا ما احط
اللي حاطته واستخدمه للصباح هذا من مكياجي وياكثر ما تكلمت عنه لونه مشمي حلو للصباح
درجته ٠٦
يعطي لوك طبيعي وهلثي ...
واخر شي الارواج طبعا هنا انتي مخيره باللون اللي تحبينه انا الفتره الاخيره معلقه على هذولي
الاول من اليمين من افون لونه موف فيه لمعه هاديه بس لازم ترطبين شفايفك قبل لانه ممكن تتشقق معه اسمه mauve model
الثاني عنابي h&m برضو فيه لمعه مو ثقيل خفيف بس كل ماحطيتي طبقه يثقل معك رقمه a15617
الثالث من برجوا اول ماتحطينه بيكون فيه لمعه لكن ثواني وتروح ويتحول لمات لونه هادي وجميل درجته 07 , velvet
الرابع تنت من ذا فيس شوب لونه عنابي قريب من حق h&mخفيف زي المويا وينشف بسرعه ماتحسين انك حاطه شي ويبين طبيعي مرااا حابته درجته aaq فيه طعم حلو للناس اللي ماتحب ريحه فيه بس تخفتي بسرعه لكن الطعم موجود :)
السواتش نسيته بس لما افضى راح اسويه وانزله لاتنسون تشكون عليه بعد كم يوم
وبكذا ينتهي بوست مكياجي الروتيني يمكن تحسونه طويل وياخذ وقت بس ترى ياخذ خمس دقايق ليه ؟؟
لان يدي تعودت عليه وصرت سريعه
اتمنى انكم حبيتوا البوست وان شاء الله تستفيدون منه
اي سؤال او استفسار اكتبولي تعليق وانا حاضره
ملاحظه :: ممكن اي منتج استخدمه مايناسبك بسبب اختلاف البشرات بس اتبعى الطريقه وانتي حره بالمنتج
****
اماكن شراء المنتجات
البيبي كريم والكونسيلر من اي سوبر ماركت اوصيدليه واسعارهم ماتتعدى٣٠ ريال
الخافي جاني هديه
الباودر والمسكرا تبع ميبلين من صيدليه بوتس او وايتس او سنتربوينت
مسكرا وروج والبرش افون طلبتهم من اخت زوجي مندوبه لافون
روج برجوا من سنتربوينت او صيدليه بوتس او وايتس
البلاش من مكياجي
الروج من اتش اند ام
التنت من ذافيس شوب الزيت من اي صيدليه
مرطب الشفاه من صيدليه وايتس
الفرش تبع ريل تكنيك من موقع بيوتي
فرشه الدمج من فور ايفر ٢١
تابعوني على
انستقرام :: ebtesam_life9
سناب شات :: ebtesamabdulla9
تعليقات
إرسال تعليق
اكتب لي تعليقا عن رائك في البوست الجديد ؟؟