مفضلات ٢٠١٥

بسم الله الرحمن الرحيم 

باقي على السنه الجديده ساعات فقط وان شاء الله تكون سنة خير وسعااادة وفرح للجميع 

هذي السنه حافله بالنسبه لي ليه ؟؟ 

اول شي اني تركت اثر جميل على كذا شخص بحياتي 

ثاني شي اني فتحت المدونه فغيرت بحياتي اشياء ماكنت متوقعتها 

وان شاء الله بعام ٢٠١٦ اكون حققت اهدافي بوجه اكمل باذن الله

الحين بنتكلم عن المفضلات اللي حبيتها بسنه ٢٠١٥ 

فيلا نبدا :: 

هذي صورة لجميع المنتجااات 

اول شي الفرش :: 

هذي اسفنجه شبيهه جدا بالبيوتي بلندر من فور ايفر ٢١ 

سعرها ١٩ او ٢٩ ريال ناسيه بالضبط كم 

جميله جدا تدمج الفاونديشن كويس

استخدمها بعد ما اوزعه بالفرشه عشان اتاكد انه اندمج 

الفرشه الثانيه من ريل تكنيك
اسمها ::buffing brush
طبعا ماتجي لحالها تجي بمجموعه للوجه مكونه من اربع فرش
هذي استخدمتها للفاونديشن عشان اوزعه بشكل مضبوط

ثالث فرشه من مكياجي تجي مجموعه من ١٠ قطع اتوقع هذي حبيتها مراا
شعيراتها ناعمه وكبيرة فحبيت اخليها للباودر لانها توزعه لي بالشكل المطلوب ومتساوي بعد

ثاني شي الفاونديشن :: 

اول واحد فيت مي من ميبلين درجتي فيه ١٢٠ 

علبه جدا عمليه وتطلع لك كميه جيده وكل ما احتجتي تزيدين عليها 

ثاني واحد ترو ماتش من لوريال 

حبيت المنتج لكن العلبه لا لاني اذا جيت اطلع لي الكميه ممكن تطلع لي فوق ما انا احتاج فيمكن تكون سلبيه له 

بس كثبات ودرجه لي مناسب 

ثالث واحد بيبي كريم من غارنيه
هذا استخدمه بشكل يومي للدوام خفيف على البشرة ومايكتمها بس التغطيه مو ثقيله متوسطه يعني ماتغطي الاثار القويه علبته جميله وعمليه

الفاونديشن تكلمت عنهم بتدوينه سابقه 

http://www.ebtesamlife.blogspot.com/2015/11/blog-post.html?m=1

البرايمر من بينفت حبيته ليه ؟؟ لانه يغطي لي المسامات ويعبي الخطوط ويعطي ملمس جدا ناعم 

 هذا شكله من جوى 

الكونسيلر :

من غارنيه درجتي فيه لايت 

يخفي الهلات دمجه سهل ولايتكتل وخفيف جدا على البشرة 

،،،

وهذا شكله من جوى جداا سهل ويطلع لك كميه حلوة 

المسكارا البطله لي هالسنة 

من ميبلين اسمها ذا فولسس

the falsies volum  

تطول الرموش وتقوسها 

وهي ضد المويا يعني لازم تمسحينها بشويش عشان ما تطيح رموشك 

 هذي مجموعه ارواج المفضلة ب ٢٠١٥ 

من اليمين :: من مكياجي ) k٠٧ ( درجته 04 ,pink tulip123  ، الثاني من درعه ) vov ( درجته 0ka,pinky blond ، الثالث من       ودرجته  111      ، الرابع من درعه )vov ( درجته  112 milky purpel      ، والاخير من مكياجي ودرجته 18

بالمجمل ثباتهم متوسط بس مع الاكل والشرب يخفون طبعا الدرجات نيود على لحمي فحبيتهم 

وهذي سواتش لهم من اليمين الى اليسار 

هذا البلاش من مكياجي ) صبايا ( درجته ٠٦ 

جاي بين  برونز ولحمي 

ثباته الى اربع ساعات 

ينفع لاي بشره 

بودرة الوجه من مكياجي ) صبايا (

درجتي فيها ٠٢ 

فاتحه طبعا 

احطها فقط لتثبيت الفاونديشن 

وانها تخلي بعض الفاونديشن مات لاني ماحب القلوي 

فازلين للشفاه 

جدااا بطل يرطب الشفاه بشكل حلو ويعطيها لون خفيف 

بس عيبه ثقيل شوي بس انا عاادي عندي لان شفتي جافه جدا عشان الروكتان 

ايلاينر من ذا بالم 

سواده جداااا بطل وثباته جميل يقعد ست ساعات بدون مايسيح 

والرسم فيه جدا سهل ومريح ..

هذا تنت من ذا فيس شوب 

درجته aaq

يعطي لون حلو لشفاه بس اذا كثرتي منه يجفف الشفه 

يعني تحطين طبقه وحدة تكفين فقط اضافه لون 

احطه اذا مالي مزاج للروج 

الباليت الاروع عندي لهذي السنه 

بايت نيكد ٣ من اربن ديكاي 

ثباته اربع الى ست ساعات ويناسب البشرات الفاتحه الى المتوسط 

هذا شكل الباليت من جوى الوانه حلوة تنفع صباحيه ومسائيه 

وتقدرين تسوين فيه اكثر من لوك 

 الحين انتهينا من المكياج 

نجي  للبارت الثاني اللي احترت باسمه 

هذي الشمعه البطله من باث اند بودي 

اسمها :: 

ريحتها ريحه نظافه وحتى اذا طفيتيها تجلس الريحه ساعه الى ساعتين 

انا بالشمعات احب اخئ الحجم الوسط الى الصغير عشان ما امل من الروائح 

هذا عطر من درعه اسمه جوفان  

طبعا هو مسك فيه واحد ثقيل للكبار وفيه خفيف للصغار 

انا من عشاق المسك فعشان كذا طايحه فيه 

وثباته حلو للصغار بس الكبار مايتعدى ساعتين الى ثلاث ..

مزيل مناكير من مودل ون 

الجميل فيه انه يزيل جميع انواع المناكير العاديه والقليتر 

بدون مايخدش او يخرب الاظافر 

هذا الحب الحقيقي

هذا ثلاثه بواحد من غارنيه

غسول ومقشر وماسك 

غسول لكل يوم 

وماسك يوم بالاسبوع تحطينه لخمس الى عشر دقايق 

ومقشر مرتين او ثلاث بالاسبوع 

ينظف الوجه ويشيل المسام م

لما اغسل وجهي فيه 

احس بحيويه ونظافه وانتعاش 

 هذا غثيتكم فيه من كثر ماتكلمت عنه 

تونر من نيفيا للبشرات العاديه 

استخدمه بعد ما انظف وجهي من الميك اب 

خفيف على البشره وجميل احس بنظافه بعده 

مزيل للميك اب من غارنيه 

شبيه جدا بالبايوديرما 

تقدرين تستخدمينه كتونر او مزيل 

يشيل الميك اب كامل 

بس مكياج العين لا لازم شي مخصص له افضل  

بديل الزيت من لوريال 

صراحه اذا حطيته على شعري بعد الشور يسهل علي تمشيط شعري 

ويوخر النفشه اللي فيه 

بس اذا تركته ماكاني سويت شي 

فاهم شي استخدامي له للنفشه ما احبها 

فحبيت انه نفعني بهالنقطه

زبدة الشيا من بودي شوب 

ترطيبها عالي جدا  

تجلس علي يوم كامل 

كل ماخلصت وحدة شريت ثانيه 

عاد بودي شوب معروف بالزبدة تبعه 

كريم للجسم من باث اند بودي 

اسمه باريس 

ريحته حلوة وترطيبه خفيف مو ثقيل 

يوخر جفاف بشرتي وتمتصه البشرة بسرررعه 

واخر شيئين من متجر تله 

صراااحة فادتني مررررة 

اول شئ محفظه السماعات 

كنت اتعب منها دايم الاقيها محيوسه ومتشابكه وكنت ادور شي ينظمها 

ولقيت هذي وبصراحه من استخدمتها ما عمري شفت تشابك 

وعمليه جدا

محفظه للميك اب 

صرت اخذ فيها اشياء بسيطه واساسيه 

وخفيفه ماتاخذ مكان 

وبس كانت هذي مفضلاتي لعام ٢٠١٥

وان شاء بالعام الجديد نحقق اهدافنا بشكل افضل واقوى

علموني ايش الاهداف اللي تبغون تحققونها ب ٢٠١٦ ؟؟