تجاربي مع الفاونديشن <<

بسم الله الرحمن الرحيم 

اليوم حابه اتكلم عن الفاونديشن اللي جربتهم ورائي عنهم 

فيلا نبدا >>> 

اول واحد حابه اتكلم عنه هو بيبي كريم من غارنيه <<

المنتج يوعدك ببشرة نضرة ومشرقة ورطبه بالاضافه الى لون موحد وحماية من اشعه الشمس اللي ممكن تضر البشرة ،،

يحتوي على فيتامين c المضاد للاكسدة ،، والوان معدنية توحد لون البشرة ،، و spf15 اللي يساعد بحماية البشرة  من الاشعه الفوق بنفسجية ،، 

له ثلاث درجات :: لايت وميديم ودارك 

درجتي فيه لايت .. 

 رائي فيه :: انا طبعا حبيته ليه لانه خفيف على بشرتي ومو ثقيل ماتحسين انك حاطه شي ولايكتم البشرة ،، يجلس اربع ساعات بالضبط بعدين يبدا يخف حتى لو ثبتيه بباودر يوحد لون بشرتي بس مايخفي الاثار اللي فيها لان تغطيها متوسطه الى خفيفه ،، اذا دمجتيه كويس مايخطط بس انا عند شفايفي خطوط الابتسامه فيطلع لي خطوط فيها حتى اذا دمجته ..

سعره :: بالثلاثين مو غالي وموجود بكل مكان ..

 

طبعا هذا التعليب الجديد للبيبي كريم مرة حبيته << 

طبعا هذا شكله من جوا تضغطنه ويطلع لك الكميه اللي تبغينه ..

الفاونديشن اللي بعده ترو ماتش من لوريال 

 ١٧ spf  

لونه جاي على وردي بس ناسبني الحمدلله ،، طبعا انا اكره اللوك الديوي حتى لو كان بسيط فهذا مات وشوي ديوي فعلى طول احط بودر علشان اثبته واخليه ماات ،، ثباته ست ساعات خفيف جدا على البشرة ولايكتمها  وبما انه على وردي فيبغى له دمج مراا كويس ،، تغطيته متوسطه بس اللي عندها اثار تخفيها بالكونسيلر ويطلع بطل ،،درجتي فيه ::  n5

 شريته من طيبه محل ركن مكياجي بس للاسف ما اذكر سعره طبعا هذا من امريكا مو تبعنا فيختلف التعليب 

 من عيوبه انه اذا جيتي بتاخذين منه تنكب معك نص العلبه وتتوهقين بالباقي فهذا شى جدا سئ بنظري بس لما يكون عصار او بالضغط افضل عشان تطلع لك كميه مناسبه .. فهذا العيب ممكن مايخليني اشتريه مرة ثانيه ..

هذا شكله من جوا مو حلو ابدا .. 

الفاونديشن اللي بعده من ميبلين 

 من بعد ماخذ الكونسيلر ضجة  حسيت ان الفاونديشن بعد راح يكون بطل وجميل نفسه بس للاسف خيب ظني وطلع العكس ،، اول شي تغطيته جدا خفيفه يعني ماكانك حاطه شي ثباته جلس ساعتين وراح ،، وغير كذا انا اكره الاسفنجه تبعها لاني مليت  وانا اطلع المنتج والله جلست ساعه بلامبالغه اطلعه جدااا متعب ،، ممكن يعجب البنات اللي يحبون الاشياء  الخفيفة بس انا لا ،، سعره ٦٠ ريال ،، 

هذا شكل الاسفنجه حقته .. 

 

وهنا شلتها لاني ابغى اوريكم من وين طلعته ... 

الفاونديشن الاخير fit me 

هذا اكثر فانديشن احبه لما احطها خفيف على بشرتي ومايكتمها ،، ثباته ست ساعات طبعا مع تثبيته بباودر ،، تغطيته متوسطه طبعا انا عندي اثارخفيفه  فاحط طبقه ثانيه عليها وتختفي  ،، درجتي فيه ١٢٠ ،،spf 18 ،، تعليبه جميل واقتصادي بعد ويقعد عندك وقت كويس ولايحوسك اذا ضغطتيه .. 

سعره ما اذكره للاسف بس بحدود الستين 

هذا شكله من جوا مراا بطل تحطين الكميه اللي تحتاجينها ..

بذكر عدة نقاط مهمه <<<:: 

اول شي البشرات تختلف من شخص الى اخر فاللي يناسبني مو شرط يناسبك .. 

ثاني شي يمكن يكون فيه فرق بين تغطيتي اللي احتاجها للفاونديشن وتفطيتك اللي تحتاجينها .. 

ثالث شي انا بشرتي فيها اثار حبوب مو قويه ولاخفيفه متوسطة فيختلف احتياجي للفانديشن اللي ابغاه عنك .. 

وبس كذا اكون خلصت بوست الفاونديشن << ياكثر ماقلتها 

اتمنى انه يعجبكم يارب 

اي تعليق او اقتراح  ارحب فيه 

شكرااا لكم ..