سموكي لوك

بسم الله الرحمن الرحيم 

كيفكم ايش مسوين ؟؟!! 

ان شاء الله خلصتوا ملابس العيد وحوسته الوقت برمضان ماينفع الواحد يتسوق فيه ابد على طول يطير اشوى اني خلصت قبل رمضان ومرتاحه الحمد لله 

مالكم بالطويله ندخل بالموضوع على طول 

اليوم سويت لوك حلو للعيد وان شاء الله يعجبكم 

يالله نبدا 

مثل ماتشوفون هذي الادوات المطلوبه للوك واذا عندك بدائل من ماركات ثانيه مافي مانع مو لازم تكون طبق الاصل من حقتي انا عرضتها للفائدة فقط 

اول شي طبعا ولازم نرطب البشرة 

بعدين نبدا 

للفاونديشن استخدمت true match من لوريال 

ووزعته بفرشه من ريل تكنيك اسمها buffing brush

توزع الاساس لي بالشكل المطلوب

بعد ما اوزع الفاونديشن بشكل مضبوط 

ابدا احط الكونسيلر من غارنيه بدرجه لايت احطه تحت العين وفوق الجفن لان عيوني مع رمضان صايرة سوداااء طبعا مع التغيير اللي صار بهالشهر 

 لما اتاكد اني خلصت هالخطوتين مضبوط وبشكل كويس اثبتهم ببودرة من مكياجي )) صبايا (( بدرجه 02 

مرره حلوة واحبها واوزع البودرة بفرشه من مكياجي بعد 

الحين نجي لمنطقه العين 

ابد اول شيي احدد العين من تحت بكحل اسود من ميبلين 

اسمه the colossal kajal 

عشان ادمجه مع الايشادو وبنفس الوقت يثبته لي 

ابد الان بثبيت الايشادو من باليت نيكيد 3 

واخذ درجه blackeart

اسود على بني مع شيمر 

حلو تحت العين 

وباستخدام فرشه ريل تكنيك brow brush

تكون مشطوفة وحجمها متوسط مو كبيره ولاصغيرة 

احدد فيها الايشادو الاسود من تحت العين 

واحاول امد الايشادو لين يكون عندي زاويه 

وانزلها على العين علشانن يسهل علي رسم الايلاينر 

لرسم الايلاينر على الايشادو استخدمت ايلاينر the balm 

سواده حلو وثباته كويس جدا 

لما اخلص من الايلاينر استخدم فرشاة accent brush 

من ريل تكنيك عشان احط فيها ايشادو لمدمع العين 

واستخدمت شادو ابيض من باليت نيكيد 3 اسمه strange

حلو يبرز هذي المنطقه وفيكي تحطينه تحت الحاجب بعد ليعطي اضاءه 

بعد ماخلصت من رسم العين بكل الطرق اجي للنقطة الاخيرة 

اللي هي الماسكارا 

وهنا استخدمت ماسكارا infinitize من افون 

حلوة وشعراتها مصصمه على حسب رموش العين من الشعيرات الصغيره في اول العين الى المتوسط فالاكبرمن الرمش 

وطبعا ووتر بو اهم شي عندي وثباتها طويل 

البلاش استخدمت بلاش من مكياجي )) صبايا (( بدرجه 06 

حلو جاي وردي على بني كانه برونز وردي )) ماعرفت اوصفها الا كذا (( 

على عظمة الخد حطيتها بفرشاه ماخذتها من بازار حلوة وتضبط توزيع البلاش 

واخر شي واللي يعتبر عندي اهم شي الروج 

اخترت لون احمر من ريميل اسمه kate

درجت الاحمر حقته حلوة وتعجبني مرة 

وهذا اللوك الاخير 

وكان هذا اول لوك من سلسله العيد 

اتمنى انه اعجبكم واستفدتوا منه ولو بالقليل 

لاتحرموني من ارائكم وتعليقاتكم